A Stefano

Catanisi sugnu e minni vantu
Nascìu intra chist' isula d'incantu
Unni ['alivi 'nsemi a li vigniti
L'aranci e li lumei, sunnu indurati.
Partìu carùsu afflittu e ripigghìai la vîa
Luntanu in continentí minni ivu..,
ma intantu la so' immagini divìna
ristò stampata d'intra a l'alma mia!
Nun sugnu ,no,poeta e nun m'affruntu,
sacciu surtantu ca tirài lu cuntu
c'aiu settant'anni e mancu me li sintu.
Oggi lu munnu è tuttu 'na rovina
Nun c'è cchiù paci e mancu disciplina
Nni lu consorziu di la genti umana.
Forsi l'Apoca lissi s'avvicina,
Forsi la paci è 'na parola vana,
ma mi rivolgiu a la manu divina
ppi quantu stu disastru s'alluntana!
************
Eri carùsu e ghisti a travagghiàri
l'acqua passasti e fusti in Continenti
a circàri furtuna e brava genti
Ccu cui putìriti appattàri.
Ora si Omu e oramai ccu l'ucchi stanchi
Festeggi puri tu li settantanni
Ma 'nfunnu 'nfunnu d'intra lu to cori
C'è ancora ddu carùsu nicareddu,
chinu di suli e di curiosità, mutu,
Ammuccìatu 'nfunnu a ddu pirtusu!
"Chi è stu sgrèviu, sta malincunìa,
chi è stu gruppu c'haiu intra u me cori?
Aiutomi, dimmi chi è, motruzza mía!"
"Nenti, fiqghiuzzu mi', è sulu..,, nastalgìa!!

Laura